کم عمری میں ہی حیران کن حد تک عمدہ پختہ مضامین باندھنے والا .............. انعام کبیر

انعام کبیر کا اصل نام ’’انعام الرحمن‘‘ ہے جبکہ ادبی حلقوں میں آپ کی پہچان انعام کبیر ہے آپ ۲۲ جون ۶۹۹۱کو نارنگ منڈی میں پیدا ہوئے۔ آپ کے والد محترم (ثناء اللہ اولکھ) پولیس میں ملازم ہیں۔ نارنگ منڈی میں چوتھی کلاس تک تعلیم حاصل کرنے کے بعد والد کی ملازمت اور بہن بھائیوں کی تعلیم کے سلسلہ میں۷۰۰۲ کو ضلع گوجرانوالہ کے شہر کامونکی میں سکونت پذیر ہوئے اور یہاں تعلیمی سفر جاری رکھا ۔ آپ کے خاندان میں پڑدادا جان پنجابی کے شاعر تھے۔ آپ اردو، پنجابی دونوں زبانوں میں شعر کہتے ہیں۸۲ دسمبر ۴۱۰۲ کو پہلی قومی پنجابی کانفرنس میں ادبی ایوارڈ سے نوازا کیا۔انعام کبیر کی شاعری سے انتخاب

....................................... جو ترے میک اپ لگانے کا خرچ اس سے کم ہے مرے گهرانے کا خرچ ایک ہی آستاں سے چلتا ہے سب فقیروں کے آستانے کا خرچ ارے کنجوس آدمی یہ بتا کتنا لگتا ہے مسکرانے کا خرچ میں نہ دوں روٹهنے کبهی اس کو توبہ توبہ اسے منانے کا خرچ ایک تو خرچ گهر چلانے کا دوسرا بیٹیاں پڑهانے کا خرچ ہم نے ٹهیکہ نہیں اٹها رکها جو اٹهاتے پهریں زمانے کا خرچ کهیت گاوں کے بیچ کر نکلا شہر میں اک مکاں بنانے کا خرچ مل کے دونوں چلا ہی لیں گے کبیر اک محبت کے کارخانے کا خرچ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جو بولنا نہیں تها اس نے بولا ختم کیا ہمارے بیچ تجسس تها جتنا ختم کیا وہ جس کا ہاته تها ہم کو بچانے والوں میں. اسی نے ختم کیا اور ایسا ختم کیا.......... یہ اپنا نام مٹانا تو اک بہانہ تها در اصل ہم نے تمہارا حوالہ ختم کیا یہ روز روز کی ذلت کسے پسند ہے دوست یونہی نہیں تری محفل میں آنا ختم کیا کبیر آگ بجهانے کے باوجود جلی تعلق اور بڑها ہم نے جتنا ختم کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ میں نہ کہتا تھا اپنے ملنے سے بات بگڑے گی بات کرنے سے خود کو دریافت کر لیا میں نے اس کے کمرے کے ایک کونے سے صاف شفاف ہو گئیں آنکھیں بوجھ ہلکا ہوا ہے رونے سے اور بچتا ہی کیا ہے دنیا میں چشمِ حیرت نکال دینے سے باقی باتوں کو چھوڑیئے صاحب بات بگڑی ہے روز ملنے سے عشق نے ذائقہ کمال کیا شہد لگتا ہے زہر پینے سے تجھ پہ تہمت کا ڈر ہے ورنہ کبیرؔ کون ڈرتا ہے اس زمانے سے ۔۔۔۔۔۔۔۔۔۔۔۔۔۔۔۔۔ وفورِحسن کی لذت سے ٹوٹ جاتے ہیں کچھ آئنے ہیں جو حیرت سے ٹوٹ جاتے ہیں کسی جتن کی ضرورت نہیں پڑے گی تمہیں ہم ایسے لوگ محبت سے ٹوٹ جاتے ہیں زمانہ ان کو بہت جلد مار دیتا ہے جو لوگ اپنی روایت سے ٹوٹ جاتے ہیں کئی زمانے کی سختی بھی جھیل لیتے ہیں کئی وجود حفاظت سے ٹوٹ جاتے ہیں ہم ایسے لوگوں کو عِشوہ گری نہیں آتی ہم اک ذرا سی شرارت سے ٹوٹ جاتے ہیں کبیر جب سبھی دیواریں خستہ ہو جائیں تو پھر مکان مرمت سے ٹوٹ جاتے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ زندگی ہم نے گزاری ہے بیابانوں میں ذکر اپنا بھی ملے گا کئی افسانوں میں ایسے حالات میں پھر کیسا عدو سے شکوہ لوگ محفوظ نہیں اپنے نگہبانوں میں تیرے کوچے سے تری یاد کا جھونکا آکر دے گیا ہجر کاپیغام مرے کانوں میں رات پلکوں کی منڈیروں پہ کئی سپنے تھے ہم مگر جا نہ سکے نیند کے ایوانوں میں اشک بہنے نہیں دیتا جو کبھی میرے کبیرؔ کوئی تو اپنا ہے اس دل کے نہاں خانوں میں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس قدر بهی ہوا ہے خالی ہے
 یہ جہاں کهوکهلا ہے خالی ہے

 تم مجهے جس مکاں کا پوچهتے ہو
 وہ مرے دوست کا ہے خالی ہے

 قحط نے سارے گهر اجاڑ دیے
 ایک جو بچ گیا ہے خالی ہے

 اب جلانے کے کام آئے گا
شاخ پر گهونسلا ہے خالی ہے
 یعنی کم بولنے میں حکمت ہے
 اور جو چیختا ہے خالی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کئی دن ہم کو خوشیاں بخشے جاتا ہے ایک خیال کے بعد کئی دن بیٹهے روتے رہتے ہیں گاوں کا یہ برگد اور میں دونوں ساته جوان ہوئے عمر گزرتی جاتی ہے اور پتے جهڑتے رہتے ہیں ثروت اور شکیب سا ہے اپنا بهی مزاج انعام کبیر جب بهی ریل گزرتی ہے حسرت سے تکتے رہتے ہیں